السلام عليكم ورحمة الله وبركاته معاكم محمد جمعة من مدونة مشروع Soft
أهلاً بيكم
زي ما اتعودنا في مدونة مشروع Soft إحنا بنقدّم مشاريع حقيقية على الأرض بماكينات وبإنتاج وبأرقام والنهارده معانا واحد من أقوى المشاريع للمبتدئين وممكن يتحول لمصنع صغير مع الوقت ركز معايا كده للأخر
فكرة مشروع النهارده ببساطه هي إنك تشتري ماكينة تعبئة وتقوم بتعبئة:
- سكر
- أرز
- عدس
- فول
- مكرونة
- توابل
- بقوليات
في أكياس وتبيعها لتجار التجزئة أو السوبر ماركت يعني حضرتك مش بتصنّع المنتج انت بتعيد تعبئته بشكل احترافي
وتكسب من فرق السعر.
ليه المشروع ده قوي؟
عشان :
- المنتجات دي استهلاكية (بتتباع يوميًا)
- الطلب عليها طول السنة
- سهلة التسويق
- تشتغل من أوضة في البيت
- ينفع تكبّر واحدة واحدة
يعني المشروع بتاعنا مش موسمي
* أنواع الماكينات الي هنستخدمها في مشروعنا
1- ماكينة يدوية
- سعرها من 4000 لـ 7000 جنيه إنتاجها بسيط ومناسبة للتجربة
- سعرها من 10,000 لـ 18,000 أسرع في الشغل وأدق في الوزن
3- ماكينة أوتوماتيك
- من 25,000 وطالع إنتاجها كبير للمستوى المتقدم
ابدأ يدوي أو نصف أوتوماتيك
وبعد ما السوق يمشي طوّرمن نفسك
* رأس المال الحقيقي :
أقل بداية:
- ماكينة بسيطة: 6000
- خامات (سكر / أرز): 2000
- أكياس + ميزان: 1000
الإجمالي: حوالي 9000 جنيه
*الأرباح :
مثال:
- تشتري السكر الكيلو بـ 27 جنيه
- تعبّيه في أكياس نص كيلو
- وتبيعه لتاجر بـ 16 جنيه
- يعني الكيلو = 32 جنيه
- الفرق = 5 جنيه في الكيلو
- لو عبّيت: 100 كيلو يوميًا
- الربح = 500 جنيه في اليوم
يعني: 15,000 جنيه شهريًا تقريبًا
# وده على أضعف ربح علي فكره #
* الأدوات المطلوبة
- ماكينة تعبئة
- ميزان
- أكياس مطبوعة أو شفافة
- خامات
- مكان صغير (حتى ولو أوضة)
- اختار منتج واحد (سكر مثلًا)
- اشتري ماكينة
- اشتري خامة جملة
- عبّي كميات صغيرة
- لف على بقالات منطقتك
- اعرض السعر
- وجمع الطلبات
- وبعد كده سلّم للمحلات
* التسويق الصح :
بص متنزلش إعلانات في الأول
الصح:
الي عليك تنزل بنفسك للتجار والسوبر ماركت ومحلات عطارة وكشك
واعرض عليهم سعر كويس وتوصيل منتظم كل ده هيجيبلك اشخاص كويسين والتعامل هيكون كويس
*اخطاء ممكن تخربلك الدنيا :
انك تعبي كميه كبيره من غير طلب
خامة رديئة من التغليف
انك توزن غلط
تأخير تسليم الطلبات
*نصيحة ليك من اخ :
- ابدأ بمنتج واحد
- وبعدين زوّد
- متفتحش 10 أصناف مرة واحدة
كده نكون خلصنا
مشروع ماكينة التعبئة والتغليف
لو حابب:
أسماء ماكينات كويسة / أسعار تقريبية
سيب تعليق
كان معاكم محمد جمعة من مشروع Softسلاااااام